47 - ఉభయ సప్తమీ వ్రతం

మహారాజా! ఇపుడొక సప్తమీ కల్పాన్ని వర్ణిస్తాను విను. మాఘ శుద్ధ సప్తమినాడు సంకల్పం చేసుకొని సూర్యభగవానుని ‘వరుణదేవ’ నామంతో పూజించాలి అష్టమినాడు తిలలు, పిష్టం, బెల్లం, అన్నాలతో బ్రాహ్మణులకు భోజనాలు పెట్టించాలి. దీనివల్ల అగ్నిష్టోమయజ్ఞ ఫలం ప్రాప్తిస్తుంది.

మిగతా మాసాల్లో ఇలా చేయాలి:

ఇదే విధంగా ఇవే సూర్యనామాలతో కృష్ణ సప్తమి రోజుల్లో కూడా ఈ వ్రతాన్ని చేయాలి. ఇలా ఒక ఏడాది చేశాక ఒకటి, రెండు లేదా నాలుగు హస్తాల ఎఱ్ఱచందన మండలాన్ని తయారుచేసి దానిలో సిందూరం, ఎఱ్ఱమన్నులతో సూర్యమండలాన్ని నిర్మించాలి - కమలాది రక్తపుష్పాలతో శల్లాకి వృక్షపుజి గురు నుండి చేయబడ్డ ధూపంతో అనేక నైవేద్యాలతో సూర్యభగవానుని పూజించాలి. అన్నంతో స్వర్ణంతో నింపిన కలశలను దానికెదురుగా స్థాపించాలి. అగ్నిని సంస్కరించి తిలలు, నేయి, బెల్లం, జిల్లేడు సమిధలను హవనం ఆకృష్ణేన (యజు. 33/43) మంత్రంతో ఒకవేయి ఆహుతులతో చేయాలి. అనంతరం పన్నెండు గురుబ్రాహ్మణులకు ఒక్కొక్క దూడతోడి గోవును, ఎఱ్ఱబట్టలను, గొడుగును, చెప్పుల జతను, దక్షిణలను ఇచ్చి భోజనం పెట్టి క్షమాభిక్ష వేడాలి. అప్పుడు ప్రతి మౌనంగా భోంచేయాలి.

ఈ ప్రకారంగా(ఈ ప్రకారంగా ఇదే పేరుతో బ్రాహ్మపర్వంలో ఒక వ్రతం చెప్పబడింది. అది వేరు.) ఉభయ సప్తమి చేయువారు నిరోగులై, కుశలవక్తలై, రూపవంతులై, దీర్ఘాయువుతో వర్ధిల్లగలరు. ఇది సమస్త అశుభాలనూ దూరంచేసి దేహాంతంలో సూర్యలోక నివాసాన్ని కూడా ప్రాప్తింపజేస్తుందని నారదమహర్షి ఒక సందర్భంలో చెప్పియున్నాడు.”