340 - అథ రీతి నిరూపణమ్

అగ్ని రువాచః

అగ్ని దేవుడు పలికెను. కావ్యశాస్త్ర జ్ఞాన నిమిత్తమై ఉపయోగించు రీతి పాంచాలీ, గౌడదేశీయ, వైదర్భీ, లాటజాయని నాలుగు విధములు. ఉపచార యుతమైనది హ్రస్వసమాసములు కలిది మృదువుగా వున్నది పాంచాలి. దీర్ఘ సమాసములతో, అనవస్థిత సందర్భము కలది ఆధికోపచార యుక్తరహితమైనది గౌడి. ఉపచార రహితము మిక్కిలి కోమలముగాని కూర్పుకల సమాస వర్జితమగు రీతి వైదర్భి. స్పుటసందర్భము కలది నాతి దీర్ఘ సమాసములు కలదియగు రీతి లాటి. చాలమంది విద్వాంసులు పరిత్యజించినను ఆధికోపచార యుక్తమగు ఈలాటి లభించుచున్నది. క్రియలలో వైషమ్యమును పొందని వాక్యరచనకు వృత్తి యని పేరు. భారతీ, ఆరభటీ, కైశికీ, సాత్వతీ, యవి ఆది నాలుగు విధములు. వాక్ప్రధానమైనది, ఎక్కువ పురుషుల నాశ్రయించినది. స్త్రీల చేతకూడ ప్రాకృతమునందు ఉపయోగింపబడి నది యగు రీతి భరత రచితమగుటచే భారతీయనీ చెప్పబడును. దీనికి వీథి ప్రహసనము. ఆముఖము నాటకాది ప్రరోచన, యని, భారతికి నాలుగు ఆంగ ములు. ఉద్ఘాతుక, లపిత, అసత్ప్రలాప, నాక్చ్రేణీనాలికా, విషణవ్యవహార, త్రిగత, ఛల, అవసంత, గండ, మృదవ ఉచితములు యని వీథికి పదమూడు అంగములు. పరిహాస యుక్తమగు తాపసాది వచనము ప్రహసనము. ఆర భటి యందు మాయ ఇంద్రజాలము యుద్దము మొదలగునవి వుండును. సంక్షిప్తకారము, పాతము, వస్తూత్థాపనము యని ఆరథటి భేదములు.

ఆగ్ని మహాపురాణమున రీతి నిరూపణమను మూడువందల నలుబదియవ అధ్యాయము సమాప్తము.