232 - పునః శకునాని

పుష్కర ఉవాచః

 పుష్కరుడు చెప్పెను. శత్రు నగరములోనికి చాల కాకులు ఏ మార్గము ద్వారా ప్రవేశించునో ఆ మార్గము నుండి చుట్టుముట్టినచో ఆనగరము తనవశమగును. ఏదైన సేవకు, లేదా సముదాయమునకు ఎడమ పక్కనుండి భయభీతమగు కాకి ఏడ్చుచు ప్రవేశించినచో అది రాబోవు థయమునకు సూచకము. శామియానా, అవయవములు, వాహనములు, పాదుకలు, ఛత్రము, వస్త్రము మొదలగు వాటిచే కాకి నలగకొట్టబడినచో ఆది తనకు మృత్యు సూచకము. దానిని పూజించినచో తనకు కూడ పూజ లభించును. అన్నా దులచే దానికి ఇష్టము చేకూర్చినచో తనకు గూడ ఇష్టము చేకూరును. కాకి మాటిమాటికి ఇంటి ద్వారము వద్దకు వచ్చుచు పోవుచు ఉన్నచో అది ఎవరో పరదేశీయుడు వచ్చుటకు సూచకము. ఆది ఏదైన ఎఱ్ఱని వస్తువును గానీ, కాలిన వస్తువును గాని ఇంటి మీద పెట్టినచో అది గృహదహనమునకు సూచకము.

భృగునందనా ! కాకి మనుష్యుని ఎదుట ఏదైన ఎఱ్ఱని వస్తువుపడ వేసినచో ఆతనికి కైదు శిక్ష వచ్చునని సూచింపబడును. పచ్చని రంగు గల వస్తువును పడ వేసినచో బంగారము, వెండి లభించునని సూచన. ఏ వస్తువును తన వద్దకు తెచ్చి విడచునో అది లభించును. దేనిని తన దగ్గర నుండి తీసికొని పోవునో ఆది నష్టమగును. పచ్చి మాంసము తీసికొనివచ్చి ఎదుట పడవేసినచో ధనము, మట్టి పడ వేసినచో భూమి, రత్నమును పడవేసినచో మహాసామ్రాజ్యము లభించును. యాత్ర చేయువానికి అనుకూల దిశయందు కాకి వెళ్ళినచో అది కల్యాజకరము, కార్యసాధకము. ప్రతికూల దిశయందు వెళ్ళినచో అది కార్యవిఘాతకము; భయంకరము. కాకి ‘కావ్ కావ్' అనుచు ఎదుటికి వచ్చినచో యాత్రాభంగము కలుగును. కాకి ఎడమవైపున ఉన్న చో శుభము, కుడివైపున ఉన్న చో అశుభము. వామభాగమున దుండి అనుకూలమైన దిక్కు వైపు ఎగిరినచో శ్రేష్టము, కుడిప్రక్కన ఉండి అనుకూలమగు దిక్కు వైపు ఎగిరినచో మధ్యమ ఫలము. వామ భాగమునందుండి ప్రతికూలమగు దిక్కువైపు వెళ్ళినచో అది యాత్రను నిషేధించుచున్నది. యాత్రాకాలమున కాకి వచ్చి ఇంటిపై వాలినచో ఆది ఆభీష్టసిద్ధి సూచకము. ఒక కాలు ఎత్తి, ఒక కంటితో సూర్యునివై పు చూచినచో భయము కలుగును. ఏదై న చెట్టు తొజ్జలో కూర్చుండి అరచినచో గొప్ప ఆనర్థము కలుగును. ఊషర భూమి మీద కూర్చున్నచో అశుభము. కాని దానికి బురద అంటు కొన్నచో మంచిది. మలము మొదలగు అపవిత్ర వస్తువులను ముక్కున పెట్టుకొని కాకి కనబడినచో అన్ని కార్యములు సాధింపబడును. ఇగరపక్షలకు గూడ కాకికి వలెనే ఫలితము తెలియవలెను.

సేవానివేశమునకు దక్షిణమున కుక్కలు వచ్చినచో ఆది బ్రాహ్మణ వినాశ సూచకము. ఇంద్రధ్వజస్థానమునకు వచ్చినచో రాజునకును, నగరద్వారమునకు వచ్చినచో నగరాధీశునకును మృత్యువు కలుగును. కుక్కమొరుగుచు ఇంటిలోనికి చొరబడినచో గృహస్వామికి మృత్యువుకలుగును. కుక్క ఎవరిని ఎడమ అవయవములను నాకునో వానికి కార్యసిద్ధి కలుగును. కుడి అవయవములను ఎడమభుజమును వాసన చూచినచో భయము వచ్చును. యాత్రకు వెళ్ళు వానికి ఎదురుగా వచ్చినచో యాత్రావిమ్నము కలుగును. భృగునందనా! కుక్క దారికి అడ్డముగా నిలబడినచో మార్గమున చోరభయము సూచితము. ముఖమునందు ఎముకను గ్రహించి కనబడినచో యాత్రచేయువానికి లాభమేదియక లగదు. త్రాడు చింపిరిగుడ్డ ముఖమునందు పెట్టుకొనియున్న కుక్కకూడ అశుభ సూచకము. చెప్పుకాని, మాంసముకాని నోటిలో కరచికొని ఎదురైనచో శుభము కలుగును. దానినోటిలో ఏదైన అమాంగలికమగు వస్తువుగాని, కేశముగాని ఉన్నచో ఆశుభ సూచకము. కుక్క ఎవని ఎదుట మూత్రము విడచి పోవునో వానికి భయము వచ్చును. మూత్రత్యాగానంతరము కుక్క ఏదై న శుభ స్థానమునకుగాని, శుభకరమగు వృక్షము వద్దకుగాని శుభకరమగు వస్తువు దగ్గరకుగాని వెళ్ళినచో కార్యమ సిద్ధించును. పరశురామా! గ్రద్దమొదలగువాటి విషయముగూడ కుత్తవిషయమునందు వలెనే గ్రహించవలెను.

గోవులు అకారణముగా త్రేన్చుట ప్రారంభీంచినచో స్వామికభయము కలుగును. అది రాత్రి అరిచినచో చోర భయము వికృత స్వరూపస్వరముతో అరచినచో మృత్యుభయము. వృషభము రాత్రి గర్జించినచో స్వామికి కల్యాణనుగును. అబోతు రం కెలు వేసినచో రోజుకు విజయము లభించును. తాను ఇచ్చిన గోవులుగాని, తన ఇంటిలో నున్న గోవులుగాని అభక్ష్య భక్షణము చేసినచో లేదా తమ దూతల పై ప్రేమచూపకున్న చో అది గర్భస్రావసూచకము, పాదములతో నేలనుగియుగోవులు దీనము భయభీతములు అయిన గోవులును భయమును కలిగించును. తడిసిన శరీరముగలవి, ఆనందము చేవికసించిన రోషములు గలవి, కొమ్ములకుమట్టి అంటుకొన్నవి అయిన గోవులు శుభసూచకములు. బుద్ధిమంతులు గేదే మొదలగువాటి విషయమున గూడ ఈ విధముగనే శకునములు చెప్పవలెను.

జను వేసిన తనగుఱ్ఱముపై ఇతరులు ఎక్కుట ఆ గుఱ్ఱము నీటిలో కూర్చుండిపోవుట, ఒకేచోట గుండ్రముగా తిరుగుట ఇవి అనిష్టసూచకములు. ఏకారణము లేకుండ గుఱ్ఱము నిద్రపోవుట ఆపదను కలిగించును. యవల పైనను బెల్లము పైనను గుఱ్ఱమునకు అరుచికలిగినను, దాని ముఖమునుండి రక్తము కారుచున్నను, దాని శరీరమంతయువణకుచున్నను ఇవి ఆశుభసూచకములగు దుర్లక్షణములు. గుఱ్ఱము కొంగలతోను, పావురములతోను సారికలతోను ఆటలు ప్రారంభించి నచో అది మృత్యుసూచకము. దాని నేత్రమునుండి కన్నీళ్లకారినను అని నాలుకతో పాదమునాకికొనిను వినాశ సూచకము. అది ఎడమ డెక్కతో నేల త్రవ్వినను, ఎడమ పక్క పండుకొనినను, పగలు నిద్రించినను శుభకరము కాదు. ఒకమాటు కొంచెము మూత్రము విడచునది, నిద్రచేమలినముఖముకలది అగు గుఱ్ఱము భయమునుసూచించును. గుఱ్ఱము తన పైకి ఎక్కనీయకున్నను ఎక్కునపుడు వెనుకకు తిరిగి ఇంటిలోనికి వెళ్ళిపోయినను, సవాచేయువాని ఎడమ పార్శ్వమునందలి ఎముకలుస్పృశించినను యాత్రలో విఘ్నము కలుగును. శత్రుయోధులను చూచి సకిలించినను తన యజమాని పాదములను స్పృశించినను విజయము లభించును.

 ఏనుగ గ్రామములో మైథునము చేసినచో అది దేశోపద్రవకారకమం. ఆడ ఏనుగ గ్రామములో ఈనినను, పిచ్చిదైనను రాజ వినాశ సూచకము. ఏనుగ తన పై ఎక్కనీయకున్నను, హస్తిశాల లోనికి వెళ్ళిపోయినను, మదధార సవించినను రాజుకు మరణము కలుగును. కుడిపాదము ఎడమకాలిపై ఉంచి, తుండముతో దంతములను తుడిచినచో ఆది శుభకరము.

తన వృషభము గాని, గుఱ్ఱము గాని, ఏనుగ గాని శత్రు సైన్యములోనికి వెళ్ళిపోయినచో అశుభము కలుగును - కొద్ది దూరమునందే మేఘము అంతటను వ్యాపించి పెద్ద వర్షము కురిసినచో సేన నశించును. యాత్రా సమయమునందు గాని, యుద్ధ సమయము నందు గాని, గ్రహనక్షత్రములు ప్రతికూలమైనను, గాలి ఎదురుగా వీచినను, ఛత్రాదులు విరిగి పడి పోయినను, భయము కలుగును. యుద్ధము చేయు హారోత్సాహభరితులై, గ్రహములు కూడ ఆనుకూలముగా నున్నచో విజయము కలుగును. కాకులు, మాంసాహార జంతువులును యోధులను తిరస్కరించినచో మండలము నశించును. పూర్వపశ్చిమ - ఈశాన్య దిక్కులు ప్రసన్నములై శాంతములుగా ఉన్నచో ప్రియము, శుభము అగు ఫలము లభించును.

అగ్ని మహాపురాణమునందు శకునవర్ణన మను రెండువందల ముప్పది రెండవ అధ్యాయము సమాప్తము.