37 - అథ సర్వదేవపవిత్రారోపణ విధిః.

ఆగ్ని దేవుడు చెప్పేను :- ఇపుడు సమస్తదేవతాపవిత్రారోపణవిధానముమ సంక్షేపముగ చెప్పుచున్నాను. వినుము. పైన చెప్పిన లక్షణములు గల పవిత్రములనే దేవతలకు సమర్పింపవలెను. వాటిలో “స్వరసము” “అనలగము” ఆని రెండు భేదము లున్నవి. మొదట ఇష్టదేవతను ఈ క్రింద చెప్పిన విధముగ ఆహ్వానింపవలెను - “జగత్తునకు కారణ మైన బ్రహ్మదేవా! పరివార సహితుడవై ఇచటకు రమ్ము. నేను ని న్నా హ్వానించుచున్నాను. రేపు ప్రాతఃకాలమునందు నీకు పవిత్రకము సమర్పింపగలడు”. మరునాడ మరల ఈ విధముగ ప్రార్థించుచు పవిత్రకములు సమర్పింపవలెను. “జగతృష్టికర్త లైన విధాతా! నీకు నమస్కారము. ఈ పవిత్రకమును స్వీకరింపుము. నా పవిత్రత్వము కొరకై నీకు దీనిని సమర్పించుచున్నాను. ఇది సంవత్సర మంతయు జరుగు పూజఫలము నిచ్చునది”. “వేదవేత్తలను రక్షించు శివా! దేవా! నీకు నమస్కారము. ఈ పవిత్రకమును స్వీకరింపుము. దీనిచే మణులతో పగడములతో, మందార కుసుమాదులతో నీకు సంవత్సర మంతయు చేయు పూజ దీనిచే సంపన్న మగుగాక”. “ఓ పవితకమా! నేను చేయు ఈ వార్షికపూజను యథావిధిగ సుసంపన్నము చేసి, నీవు స్వర్గలోకమునకు పొమ్ము”. “సూర్యదేవా! నీకు నమస్కారము. ఈ పవిత్రకము స్వీకరింపుము. పవిత్రము చేయగల దను ఉద్దేశ్యముతో దీనిని నీకు సమర్పించుచున్నాను. ఇది ఒక సంవత్సరము జరుగు పూజకు ఫలము నివ్వగలదు”. “గణేశా! నీకు నమస్కారము. ఈ పవిత్రకము స్వీకరింపుము. పవిత్రము చేయుటకై దీనిని ఇచ్చుచున్నారు. ఇది ఒక సంవత్సరము జరుగు పూజ ఫల మిచ్చును”. “ఓ! శక్తిదేమీ! నీకు నమస్కారము. ఈ పవిత్రకము స్వీకరింపుము. పవిత్రము చేయు నను ఉద్దేశ్యముతో దీనిని ఇచ్చుచున్నాను. ఇది ఒక సంవత్సరము జరుగు పూజ ఫలము నిచ్చును”.

“పవిత్రకమునందలి ఈ దారము నారాయణ అనిరుద్ద మయ మైనది. ధన-ధాన్య-ఆయురారోగ్యముల నిచ్చునది. దీనిని నీకు సమర్పించుచున్నాను. ఈ శ్రేష్ట మైన దారము ప్రద్యుమ్న-సంకర్షణమయ మైనది. విద్యా-దంతతి-సౌభాగ్యముల నిచ్చును. దీనిని మీకు సమర్పించుచున్నాను. వాసుదేవమయ మగు ఈ సూత్రము ధర్మార్థకామమోక్షముల నిచ్చును. సంసారసాగరమును దాటుటకు ఇది ఉత్తమసాధనము. దీనిని మీ పాదములపై సమర్పించు చున్నాను. విశ్వరూపమయ మగు ఈ సూత్రము సర్వకామములను సఫలము చేయును. సమ స్తపాపములను నశింపచేయును. కడచిన తరములవారిని, రాబోవు తరములవారిని కూడ ఉద్ధరించును. దీనిని మీకు సమర్పించుచున్నాను. కనిష్ఠము, మధ్యమము, ఉత్తమము, పరమోత్తమము అని నాలుగు విధము లగు పవిత్రకములను, మంత్రోచ్చారణపూర్వకముగ క్రమానుసారముగ మునులు సమర్పించిరి”.

ఆగ్నిమహాపురాణమునందు సర్వదేవతాపవిత్రారోపణ మను ముప్పదియేడవ అధ్యాయము సమాప్తము.