148 - అథ సంగ్రామవిజయపూజాః.

ఈశ్వర ఉవాచః-

పరమేశ్వరుడు పలికేను:- ఓం డే ఐ ఖ్యాం సూర్యాయ సంగ్రామ విజయాయనమః-ఇది మంత్రము. హ్రం హ్రీం హ్రః ఇవి సంగ్రామమునందు విజయము నిచ్చు సూర్యుని ఆరు అంగములు. ఓం హం ఖం బఖోలాయ స్వాహా ఇది పూజామంత్రము. స్ఫూం హ్రూం హుం క్రూం ఓం హ్రాం కేం ఇవి ఆంగన్యాస బీజమంత్రములు. పీఠస్థానమున ప్రభూత. విమలసార ఆరాధ్య పరమసుఖములను పూజించవలెను. పీఠపాదములందును, మధ్యనున్న నాల్గుదిక్కులందును వరుసగా ధర్మ-జ్ఞాన-వైరాగ్య ఐశ్వర్య-అధర్మ.అజ్ఞాన-అవే రాగ్య-ఆనైశ్వర్యములను పూజించవలెను. పిదప అనంలాసవ-సింహా సన-పద్మాసనములను పూజించి కమలకర్ణిక ను, కేసరములను, అచ్చటనే సూర్యమండల సోమమండల వహ్నిమండలములను ఆర్చించి, దీప్త, సూక్ష్మ, జయ, భద్ర, విభూతి, విమల, ఆమోమ, విద్యుత, సర్వతోముఖీ అను నవశక్తులను పూజించ వలెను. పిదప సత్త్వరజస్-తమస్సులను, ప్రకృతి పురుషులను, ఆత్మాంతరాత్మ పరమాత్మలను పూజించవలెను. ఆద్య క్షరమును అనుస్వారయుక్తము చేసి అంతమున నమః చేర్చి చతుర్థ్యంతము చేయగా పూజామంత్రము లగును. (ఉదా. సం సత్త్వాయ నమః మొ.) ఉష, ప్రథ, సంధ్య, సాయా, మాయా, ఐల, బిందు, విష్ణువులను, ఎనమండుగురు ద్వారపాలులను పూజించి, గంధాదులతో సూర్య-చండ-ప్రచండులను పూజించవలెను. ఈ విధముగ పూజా-జపహోమాదులు చేయుటచే యుద్దాదులందు జయము కలుగును.

అగ్నిమహాపురాణమునందు సంగ్రామ విజయదాయక సూర్యపూజావర్ణన మను నూటనలుబది యెనిమిదవ అధ్యాయము సమాప్తము.