128 - అథ కోటచక్రమ్.

ఈశ్వర ఉవాచః

పరమేశ్వరుడు పలికెను : ఇపుడు కోట చక్రమును గూర్చి చెప్పేదను, మొదట చతుర్భుజము గీసి, దాని లోపల రెండవ చతుర్భుజమును, దాని లోపల మూడవ చతుర్భుజమును, దాని లోపల నాల్గవ చతుర్భుజమును గీయవలెను. ఇట్లు గీయగా కోట చక్ర మేర్పడును. దీని లోపల ఏర్పడు మూడు రేఖలకు ప్రథమనాడి, మధ్యనాడి, ఆంతనాడి అని పేర్లు. కోట చక్రము పైన పూర్వాడిదిశలు వ్రాసి రాకు కూడ వ్రాయవలెను. తూర్పున కృత్తిక, ఆగ్నేయమున ఆశ్లేష, దక్షిణమున మఘ, నైరృతియందు విశాఖ, పశ్చిమమున అనూరాధ, వాయవ్యమున శ్రవణము, ఉత్తరమున ధనిష్ఠ, ఈశాన్యము వందుభరణి వ్రాయవలెను. ఈ విధముగ ప్రథమనాడియందు ఎనిమిది చక్రము లగును. ఇట్లే పూస్వాదిదిశల క్రమమున, మధ్య నాడియందు, రోహిణీ, పుష్యమి, పూర్వఫల్గుని, స్వాతి, జ్యేష్ట, అభిజిత్తు, శతభిషము, అశ్విని నక్షత్రములు వ్రాయవలెను. అంతనాడియందు, ప్వూదిదిశాక్రమమున మృగశిర, పునర్వసు, ఉత్తర, చిత్త, మూల, ఉత్తరాషాఢ, పూర్వాభాద్ర, రేవతి వ్రాయవలెను. ఈ విధముగ అంతనాడి యందు గూడ ఎనిమిది నక్షత్రము లగును. ఆర్ద్ర, హస్త, పూర్వాషాఢ, ఉత్తరా భాద్ర-ఈ నాల్గు నక్షత్రములు కోట చక్రమధ్య స్తంభము లగును. ఈ విధముగ చక్రము వ్రాయగా బాహ్య స్థానము దిక్పాలకులస్థాన, మగును. ఆగంతుకు డైన యోధుడు ఏ దిక్కునందు ఏ నక్షత్రమునందో, ఆ దిక్కు ద్వారా కోటలో ప్రవేశించినచో ఆతడు విజయము పొందును. కోట మధ్య నున్న నక్షత్రములందో, శుభగ్రహములు వచ్చి నపుడు యుద్ధము చేసినచో మధ్య నున్న వానికి విజయము, ఆక్రమణ చేసినవానికి పరాజయము కలుగును. ప్రవేశించువాని నక్షత్రమునందు ప్రవేశించవలెను. బైటకు వచ్చు నక్షత్రమునందు బైటకి రావలెను. శుక్ర-కుజ-బుధులు నక్షత్రాంతమునం దున్నపుడు యుద్ధారంభము చేయుచో ఆక్రమణకర్త పరాజితు డగును. ప్రవేశ నక్షత్రములు నాల్గింటియందు యుద్ధము ప్రారంభ మైనచో దుర్గము వశ మగును ఆశ్చర్యపడవలసిన పనిలేదు.

అగ్ని మహాపురాణమునందు కోటచక్ర నిరూపణ మను నూటఇరువదియెనిమిదవ అధ్యాయము సమాప్తము.