152 - అథ గృహస్థవృత్తి:

పుష్కర ఉవాచః-

పుష్కరుడు పలికెను : బ్రాహ్మణుడు తన కర్మచే జీవించవలెను. అట్లు జీవించజాలని బ్రాహ్మణుడు క్షత్రియ వైశ్య - శూద్రధర్మములచే గూడ జీవించవచ్పున. కాని సంకరజాతులవారి ధర్మము నవలంబింపరాదు. ద్విజుడు ఆపత్కాలమున కృషి, వాణిజ్యము, గోరక్షణము, వడ్డీవ్యాపారము కూడ చేయవచ్చును. కాని గోక్షీరాదులు, బెల్లము, లవణము, వారము, మాంసము మొదలైనవాటి వ్యాపారము చేయరాదు. కర్షకులు భూమిని బ్రద్దలుకొట్టుట, ఓషధులను ఛేదించుట, కీటక పిపీలికాదులను చంపుట మొదలగు వాటివలన కలిగిన పాపమును యజ్ఞముచేతను, దేవతాపూజచేతను తొలగిం చుకొనగలరు. ఎనిమిది ఎద్దుల హలము ధర్మసంమతము, జీవిక కోరువారికి ఆరు ఎద్దుల హలము, క్రూరులకు వాలు గెద్దుల హలము, ధర్మహింసకులకు రెండెద్దుల హలము చెప్పబడినది. ఋతము (కళ్లములో మిగిలిన వరివెన్నుల ధాన్యపు గింజలు ఏరికోని వాటిపై మాత్రము జీవించుట) చేతగాని, అమృతము (అయాచితముగా లభించినది) చే గాని, మృతము (లివాన్నమచేత గాని, ప్రమృతము (వ్యవసాయము) చేత గాని, సత్యానృతముల (వర్తకమ) చేత గాని జీవించవలెను. శ్వవృత్తి (సేవావృత్తి) తో ఎన్నడును జీవించరాదు.

అగ్ని మహాపురాణమునందు గృహస్థజీవికావర్ణన మను నూటఏబది రెండవ అధ్యాయము సమాప్తము.