105 - ప్రయాగ మాహాత్మ్యము

రాజా! ప్రయాగ మాహాత్మ్యము నింకను వినుము. దానిని వినినంతనే సర్వపాప విముక్తి యగుట నిస్సం శయము. ఇట్లు గంగోత్రరతటమందలి మానసమను తీర్థమున త్రిరాత్రము పవాన పూర్వకముగ స్నానమాడుటచే సర్వ కామ పూ ర్తియగును. ఈ ఫలానుభవానంతర మనంతర జన్మమున నాతడి తీర్థమునే సేవింపవచ్చును. తెలిసి కోరియేకాని కోరకయే కాని ఇట గంగను సేవించుట పాపము క్తికరము. ఇట వాడు మరణించినను స్వర్గప్రాప్తుడగును. నరకము చూడడు; అప్సరోగణ సేవితుడగుచు నిదుర మేలు కాంచును. హంస సారసములు మోయు విమానము పై స్వర్గ మేగి అటను దాని పై సంచరించుచు బహు సహస్ర వరములచట సుఖించి పుణ్యావసానమున స్వర్గ భ్రష్టుడయ్యు . సువర్ణ మణిముక్తాది ధన సంపన్న వంశమున అట్టి కుటుంబమున జనించును. మాఘమాసమునందు అరువది యారువేల తీర్థములు ప్రయాగమందలి గంగా యము లో సంగమమున కలియును. కావుననే లెస్సగా లక్ష గోదానములచే అబ్బునంత ఫలము మాఘమున గంగలో ఇట స్నానముచే కలుగును. ఈ గంగా యమునా మధ్యమున కాషాగ్ని ని (ఆరణి మథనముచే) సాగించి వేల్చినచో ఏరోగములు లేక పంచేంద్రియ సహికముగ సశరీర ముగ ఇహ జీవితమును గడపి మృతికి తరు పాత తన దేహమందలి రోమ కూపములెన్ని కలవన్నీ ఏండ్లు స్వర్గమున పూజితుడై సుఖించును. పిదప స్వర్గ పరిభ్రష్టు డయ్యు జంబూ ద్వీపాధిపతియై జనించి సుఖించుచు అదే తీర్థమును మరల సేవించును.

ఇట్లు లోక విశ్రుతమగు ఈ గంగా యమునా సంగమమున జలప్రవేశము (స్నానము) చేసినచో రాహు గ్రహణమునుండి చంద్రుడువలే సర్వ పాపవిముక్తుడై సోమలోకము చేరి సోమునితో కూడి స్వర్గలోకమునందు శక్ర సన్నిధినంది ఋషి గంధర్వ సేవితములగు ఆ లోకములందు ఆరువదియారు వేలేండ్లు ఆనందించును. పుణ్యావ సానమున స్వర్గ పరిభ్రష్టుడయ్యు సర్వ సంపత్సుఖ సమృద్ధమగు కుటుంబమున జనించును. ఇచట అధఃశిరస్కుడై ! అగ్ని జ్వాలాపానము చేసినవాడు లక్ష వత్సరములు స్వర్గసుఖములంది స్వర్గ పరిభ్రంశము నందిన తరువాతను ఆహితాగ్ని యె జనించి విపుల భోగములనుభవించి మరల ఆ తీర్ధమునే సేవించును. ఈ ప్రయాగయందు తన దేహమును ఖండించి పక్షుల కేరగానిచ్చుటచే లక్ష వత్సరములు సోమలోకమున సుఖప్రాప్తుడై పుణ్యావసానమున స్వర్గ పరిభ్రష్టుడయ్యు ధార్మికుడు రూపవంతుడు గుణవంతుడు ప్రియదర్శనుడునగు రాజై జనించి విపుల సుఖానుభవములనంది మరల ఆ తీర్థమునే సేవించును. ప్రయాగకు దక్షిణమున యమునా దక్షిణతీరమున మేలగు ఋణ ప్రమోచనమను తీర్థము కలదు. అచట నొక దిన ముపవసించి స్నానమాడినచో సర్వ ఋణ ముక్తుడై సూర్యలోక ప్రాప్తుడగును. మరల నెన్నడును ఋణగ్రస్తుడుకాడు.

ఇది శ్రీమత్స్యమహాపురాణమున ప్రయాగ మాహాత్మ్య వర్ణనమను నూట యైదవ అధ్యాయము.