86 - తిలపర్వత దానము

 ఈశ్వరుడు నారదునకు ఇట్లు చెప్పెను. ఇక మీదట తిలపర్వత దాన విధానమును తెలి పెదను. దీనినాచరించిన వారు సర్వోత మమగు విష్ణు లోకమును పొందుదురు. దీని కై పదికాని ఐదుకాని చూడుకాని ద్రోణముల తిలలు కావలెను. దీనియందు అన్ని యంశములును ధాన్య పర్వత దానమందువలేనే. (దానమంత్రము.) శ్రీ మహా విష్ణువు మధు దానవుని వధించునపుడు ఆతని దేహమునుండి తిలలును కుశ లును మినుములును జనించినవి. ఆటి తిలలు నాకు శాంతికలిగించు గాక ! హవ్యకవ్య దేవతా-పితృ దేవతా) - కర్మములందు తిలలే అభిరక్షించునవి: ఆటి తిలల పర్వతమా! నన్ను సంసా రమునుండి తరింపజేయుము. ఇట్లు మంత్రించి ఆ వాహనము చేసి) తిల పర్వత దానము చేయువాడు పునరావృత్తి రహిత మగు విష్ణులోకమునుచేరి సుఖించును. ఇహలోకమునందును దీర్ఘాయువును పుత్ర పౌత్తులను పొందును. పితరులు ను దేవతలును గంధర్వులును పూజించుచుండ స్వర్గమున సుఖించును.

ఇది శ్రీమత్స్య మహా పురాణమున తిల పర్వత దానమాహాత్మ్యకథనమను ఎనుబది ఆరవ అధ్యాయము.