122. సప్తమీ కల్పమున ఆదిత్యస్తవము

            తా॥ శతానీకుడిట్లనెను. “ఆకాలమున ప్రసిద్ధముగ లిఖ్యమానుడైన సూర్యభగవానుడు !.బహ్మాది దేవతలచేనెట్లు స్తుతింపబడెనో నాకుఁజెప్పుడు”. సుమంతుముని యిట్లుచెప్పెను. “రాజా! ఆదేవుడు బ్రహ్మాదుల చేతను, ఋషులచేతను పూర్వమెట్లు స్తోత్రము చేయబడెనో చెప్పుచున్నాను. ఏకాగ్ర చిత్తుడవై వినుము. “నమస్కరించువారికి హితమును గూర్చుదయగలిగియుండుటయే ఉద్యోగముగాగలవాడు. స్వరూపముచే లోకప్రసిద్ధుడు, తామర జాతులను మేలుకొల్పువాడు, చీకటి సమూహములనెడి పటమును ఛేదించువాడునైన దివస్పతికి నమస్కారము. అతిశయించిన పవిత్ర పుణ్యకర్మలుగలవాడు, అనేకములగు కోర్కెలను సఫలము చేయుట ద్వారా వైభవము నొసంగువాడు, శుద్దములు, ప్రకాశవంతములునైన కిరణ సమూహములు గలపోడు, సర్వలోకములకు హితమును గూర్చువాడైన సూర్యభగవానునకు నమస్కారము. పుట్టుక లేనివాడు, ముల్లోకములచే భావింపబడువాడు, సర్వభూతాత్ముడు, నీటి తేడగు వరుణునకు ప్రియమైనవాడు, మహాకారుణికోత్తముడు, ముల్లోకముల తలఁపు గలవాడునైన సూర్యదేవునకు నమస్కారము. తేజస్సుల కధిపతి, జ్ఞానమయమగునంతరాత్మగలవాడు, జగత్తులను నిలిపినవాడు, జగత్తులకు హితమును కోరువాడు, స్వయంభువు, లోకచక్షువు, దేవతాశ్రేష్ఠుడు, అమితమైన తేజస్సు గలవాడునైన సూర్యదేవునకు నమస్కారము. ప్రభూ! సకల దేవతా శిరోమణీ! చరిష్టుడవైన నీవు. గొప్పవాడవు. విపులములైన కిరణ సహస్రములచే తపించువాడవు. జగత్తుననుదయించుటకొఱకహో! నీ ప్రభల బరుపులను గ్రహించు నడవి చీకటుల రసాయనమును ద్రావిన మత్తుచే నెట్టని రూపమును ధరించితివి! అతిశయయుగ భువనత్రయమును ప్రసరించు వెలుగుల సమూహములచే చీకట్లను నశింపఁజేయు నీ యుగ్ర మూర్తిని సేవించుచున్నాము. రథము నధిరోహించి, జగద్గీతకార కుడవై యెల్లప్పుడును సమస్త విశ్వమున పరిభ్రమించుచుందువు”. ఈవిధముగ సూర్యభగవానుడు పూర్వము బ్రహ్మవిష్ణురుద్రాది దేవతలచే స్తుతింపబడెను.

శ్రీ భవిష్య మహాపురాణమునందలి బ్రహ్మపర్వమున సప్తమీ కల్పమునందు ఆదిత్యస్తవమను నూట యిరువది రెండవ అధ్యాయము సమాప్తము.