84. ఆదిత్య వార కల్పమున సౌమ్యవిధి వర్ణనము

తా॥ ఆదిత్య వారమునాడు రోహిణీ నక్షత్రము వచ్చెనేని యాదినము సౌమ్యత్వమును పొందును. అందుచేనది 'సౌమ్య'మని పేర్కొనబడును, మహాత్ముడైన సూర్యునకు సంబంధించిన ఈ వారమున నాచరింపబడు స్నానము, దానము, జపము, హోమము అక్షయమగును. అందు సందేహము లేదు. నక్త వ్రతము నాశ్రయించి యీ దినమున సూర్యదేవుని పూజించు మానవుడు సూర్యలోకమునందుననుటలో సంశయము లేదు. ఎఱ్ఱఁగలువలు, ఎఱచందనము, సుగంధధూపము, పాయసనైవేద్యములతో సూర్యభగవానుని పూజించి బ్రాహ్మణునకు దక్షిణ సమర్పించి తన పరివారముతో భోజనము చేయవలెను. ఇట్లు ఈ “సౌమ్య 'వారమున భానుదేవుని పూజించువాడు విశ్వకర్మ తీర్చిన సూర్యతేజస్సును పొందును.

శ్రీ భవిష్య మహాపురాణమునందలి బ్రహ్మపర్వమునందు, ఆదిత్యవార కల్పమున సౌమ్యవిధి వర్ణనమను ఎనుబది నాల్గవ అధ్యాయము సమాప్తము.