91. ఆదిత్య కల్పమున రోగహరవిధి వర్ణనము

 తా॥ బ్రహ్మదేవుడిట్లు చెప్పెను “భగదైవత్యమగు ఉత్తర ఫల్గుని నక్షత్రము, ఆదిత్య వారము నాడైనచో నా దినము మహత్తరమైనది. సర్వ రోగములను, భయములను హరించి వేయునది. ఈ దినమున శ్రేష్ఠములైన గంధ పుష్పాదులతో సూర్య భగవానుని పూజించువాడు సర్వ రోగములనుండి ముక్తుడై సూర్య లోకమునకుబోవును. జిల్లేడాకులతో రెండు దొప్పలు చేసి, వానిలో జిల్లేడు పూలనుంచి, వానిని రాత్రి సమయమున సూర్య దేవుని ముందుంచి. ఆ పుష్పములతో ప్రాతః కాలమున నర్క ప్రియుడగు సూర్యదేవుని పూజించి, అర్క పుష్పమును ప్రసాదముగ స్వీకరించి, బ్రాహ్మణునకు దక్షిణ నిచ్చి,. సూర్య భగవానుని యందు భక్తితో పొయసము భుజించి నేలపై పరుండవలెను. ఈ విధానముగ నీ దీనమున సూర్యారాధన చేయువాడు. సర్వ రోగముల నుండి ముక్తుడై సూర్యలోకమున కేగును. అట నుండి స్వర్గమునకుఁబోవును.

శ్రీ భవిష్య మహాపురాణమునందలి బ్రహ్మపర్వమున ఆదిత్య కల్పమునందు ‘రోగ హర విధి వర్ణన'మను తొంబది యొకటవ అధ్యాయము సమాప్తము.