88. ఆదిత్యవార కల్పమున విజయవార విధి వర్ణనము

 తా॥  బ్రహ్మదేవుడిట్లు బలికెను. “శుక్లపక్షమున రోహిణి నక్షత్రయుక్త సప్తమీ తిథి సర్వపాపహరమగు విజయాదిత్య వారమనబడును. ఆనాడు చేసిన పుణ్యకర్మకు కోటిరెట్లు ఫలము లభించును. సూర్యభగవానునా దినమున పూజించినచో నట్టి ఫలము నా దేవ దేవుడొసంగును. స్నానము, దానము, జపము, హోమము, పితృ దేవార్చనము, నక్తాపవాసము, అన్నియును, సూర్యపరములై యుండవలెను. ఆ విధముగ నా దేవుని పూజించుచో కోటి రెట్లు ఫలము కలుగును. కావున నట్టి నక్షత్ర తిథివార యోగమున మానవుడు ఏమరక సూర్యపూజ చేయవలెను. సర్వేశ్వరుడు, సప్తద్వీపేశ్వరుడు, సప్తాశ్వ రథారూఢుడు, సప్తప్రకృతి సంభవుడునైన సూర్యదేవుని, సప్తమీనాడు పూజించిన వానికి. ఆ సప్తరశ్మియనుగ్రహముచే సప్తలో కాధిపత్యము సమకూరును.

శ్రీ భవిష్య మహాపురాణమునందలి బ్రహ్మపర్వమున ఆదిత్యవార కల్పమునందు విజయవార విధి వర్ణనమను ఎనుబది యెనిమిదవ అధ్యాయము సమాప్తము.