వరాహ మహా పురాణము
అధ్యాయము - 101
గుడ ధేనువును గూర్చి చెప్పెదను. ఇది కోరికల నన్నింటిని తీర్చునది. అలికిన నేలపై లేడి చర్మము, దర్భా సనము పరచ వలయును. దానిపై వస్త్రము నుంచి పుష్కలముగా బెల్లమును తెచ్చి దూడతో కూడిన ఆవు స్వరూపమును దానితో చేయ వలయును. కంచు పాత్రను ఉంచ వలయును. బంగారముతో ముఖమును కొమ్ములను, మణులతో ముత్యములతో దంతములను, రత్నములతో మెడను, గంధముతో ముక్కును, అగురు కట్టెతో కొమ్ములను, రాగితో వెనుక భాగమును, పాలుపిదుకు కంచు పాత్రను, నార బట్టతో తోకను, చెరకు గడలతో కాళ్లను, వెండితో గిట్టలను, మెడకు పట్టు దారమును కూర్ప వలయును. జమిలి బట్టలతో దానిని కప్ప వలయును, గంటలతో చామరములతో అలంకరింప వలయును. అన్ని విధములగు ఆభరణములతో పితుకు పాత్ర నలంకరింప వలయును. మేలైన ఆకులతో చెవులను, వెన్నతో పొదుగును చేయ వలయును. పెక్కు విధములగు ఫలములతో చుట్టును అందముగా అలంకరింప వలయును.
మగధ దేశపు నాలుగు బారువుల తూకపు బెల్లపు ఆవు ఉత్తమ. నాలుగవ వంతు బెల్లముతో దూడను చేయ వలయును. (బారువు = 8000 తులములు)
అందులో సగముతో మధ్యను, ఒక్క బారువు తోనైన అధమ. ధనము లేనివాడు ఎనిమిది వందల తులములతో నైనను శక్తి మేరకు చేయ నగును. ఇంటిలోని ధనము ననుసరించి అటుపై చేయ వలయును.
గంధములతో, పూవులతో, ధూపముతో, నైవేద్యముతో, దీపములతో పూజించి, మంచి నడవడి కలవాడు, శాంతుడు, అసూయ లేని వాడు అగు బ్రాహ్మణునకు నివేదింప వలయును.
ఇట్లు విశేషించి ఆహితాగ్ని అయిన ఉత్తమ బ్రాహ్మణునకు వేయి బంగారు నాణములతో ఆ ఆవును దాన మీవలెను. మహారాజా! అందులో సగ మైనను, సగములో సగ మైనను, నూరైనను, అందు సగ మైనను శక్తి మేరకు దానమీయ వలయును.
గంధ వస్త్రాదులతో, కర్ణా భరణములతో గొడుగు పాదుకలతో ఇచ్చుచు ఈ మంత్రమును పలుక వలయును.
తూర్పునకు గాని, ఉత్తరమునకు గాని ముఖము పెట్టి “యాశ్రియా” ఇత్యాది మంత్రములను ముందు చెప్పిన వానిని స్మరించుచు బ్రాహ్మణునకు దానమీయ వలయును.
బ్రాహ్మణునకు సమర్పించిన ఈ గుడ ధేనువు మాటతో చేష్టతో, మనసుతో చేసిన పాపములను, మాన విషయముగా, తూకము విషయముగా చేసిన వంచనలను, కన్య విషయములో, గోవు విషయములో ఆడిన అ బద్ధములను ఈ సర్వ పాపములను నశింప జేయును.
ఇట్లు గుడ ధేనువును దానమిచ్చు చుండగా చూచు వారును పరమ గతి కరుగుదురు. పాలు పాయసములే బురదగా నున్న పాల నదులు ప్రవహించు చోటికిని, మునులు, ఋషులు, సిద్ధులు ఉండు చోటికిని ఈ ధేను దానము చేసిన వారరు గుదురు.
గుడ ధేనువు నిచ్చు వాడు ముందు పది తరముల వారిని, వెనుక పది తరముల వారిని తరింప జయును. అయన పర్వములలో, విషువ మునందును, వ్యతీపాతము నందును, శూన్య తిథి యందును యోగ్యుడైన వ్యక్తి నెన్నుకొని అన్ని విధముల ఈ దానమును భద్రముగా చేయ వలయును.
ఇదియే విధానము. ఇవియే వస్తు సామగ్రి, ఇదే మంత్ర, ఆవాహన సంయోగము, ప్రతి పర్వము నందును ఇట్లే చేయ వలయును.
ఈ గుడధేను దానము భుక్తిని ముక్తిని ఒసగునది. అన్ని కోరికలను తీర్చునది. సర్వ పాపములను హరించునది.
గుడ ధేనువు అనుగ్రహము వలన మానవుడు సంపూర్ణ మగు సౌభాగ్యమును పొందును. హరి ప్రతి స్మరణము నందును విష్ణు పదమును చేరును.