మత్స్య మహా పురాణము
232 - అతివృష్ట్యాఽఽద్యుత్పాతములు-తచ్ఛాంతి.
గర్గుడిట్లు చెప్పేను; అతివృష్టియు అనావృష్టియు ఈ రెండును కరవునకు నిమి త్తములు; అనృతువునందు మూడు దినములకు మించి ఎగ తెగని వాన కురియుట భయ హేతువు; మేఘములు లేక యే మెరయుట ఉరుముట పిడుగులు పడుటవంటి వైకృతములు జరిగినచో రాజు మరణించును; శీతోష్ణ వ్యత్యాసమయినచో రాజులకు శత్రుభయము; రక్తపు వాన కురిసినచో శస్త్రభయమేర్పడును; బొగ్గులు నిప్పుకణికలు ధూళి వర్షించినచో నగర నాశమగును; మడ్డ ఎముకలు నూనె మాంసము వర్షించినచో జనమృత్యు భయము; ఫలపుష్ప ధాన్యములు కురిసినచో శత్రుభయము; ధూళి ప్రాణులు పండు వరించినచో రోగభయము; అన్న వర్ష మయినచో దేశమున ఛిద్రములును సస్యములకు భీతియు కలుగును; ఆక సమున ధూళి లేక యు మేఘములు లేకయు రవి ప్రకాశించుచున్న ను నీడ కనబడక పోయినను ఎదురు రూపుతో (తలక్రిందుగా) కనబడినను దేశ భయమగును; ఆకసమున మేఘములు లేనపుడు కాని రాత్రివేళ కాని దక్షిణపు కొనలో గాని ఉత్తరపు కొనయందుగాని తెల్లని ఇంధ్రధనుస్సు కనబడినను ఉల్కాపాతమును దీర్ణాహమును పరివేషమును ఏర్పడి నను గంధర్వ నగరము కనబడినను పరచక్ర (శత్రు సేనవలన) భయమును దేశోపద్రవమును కలుగును; ఈ నిమి త్తముల శాంతి కై సూర్యచంద్ర వర్జన్య దేవతలనుద్దేశించి ద్విజ శేష్ఠులచే యథావిధి యాగము జరిపించవలెను; ధనము గోవులు సువర్ణము దక్షిణలుగా బ్రాహ్మణులకీయవలెను; దోష శాంతి యగును.
ఇది శ్రీమత్స్యమహాపురాణమున రాజధర్మమున అతివృష్ట్యాద్యుత్పాతములును తచ్చాంతియునను రెండు వందల ముప్పది రెండవ అధ్యాయము.
Summary of chapter 233 of the Matsya Mahā Purana is as follows:
Bhagavān Matsya outlines the ancient science of Śakuna-shāstra, interpreting environmental signals, bird calls, and animal behaviors encountered when embarking on journey or starting projects. Bhagavān Matsya details how the sights and sounds of white cows, filled water vessels, burning lamps, scholars, flowering trees, and specific bird calls on the right side indicate success, while sightings of dry wood, weeping people, or single jackal roars warn of obstacles.