77 - అధ్యాయము

మూ॥ నంద ఉవాచ:

శ్రీభగవానువాచ:

నందుడిట్లన్నాడు - ఏకలవస్తే ఏమిపుణ్యము, దేని వలన మోక్షము సుఖమౌతుంది. ఓప్రభు! ఏదేది మంచి స్వప్నమో అదంతా చెప్పు.(1) భగవానుడిట్లన్నాడు - వేదములలో సామవేదము ప్రశస్తము అన్ని కర్మలలోను. అట్లాగే కణ్వశాఖలో పుణ్యకాండములు మనోహరమైనవి.(2) దుఃఖ స్వప్నము స్పష్టంగా వస్తే ఎప్పుడూ పుణ్యఫలాన్ని ఇస్తుంది. ఓ తండ్రి! అదంతా పూర్తిగా చెబుతాను, విను (3) బహుపుణ్యఫలమునిచ్చే స్వప్నాధ్యాయమును చెప్తాను. నరుడు స్వప్నాధ్యాయాన్ని వింటే గంగా స్నానఫలితాన్ని పొందుతాడు.(4) ప్రథమయామంలోని (గం)కల సంవత్సర కాలములో ఫలమునిచ్చేది. ద్వితీయయామంలోది ఎనిమిది నెలలో ఫలించేది. తృతీయమామంలోది మూడు నెలలో ఫలించేది (5) నాల్గవ యామములోనిది పది హేను రోజులలో ఫలించేది. స్వప్నము ఆత్మ ఫలమునిచ్చేది. అరుణోదయ కాలంలో వచ్చిన స్వప్నము పది రోజులలో ఫలితాన్నిచ్చేది. (6) ప్రాతఃకాల స్వప్నము, ఒకవేళ మెలకువ వస్తే అప్పుడే ఫలితాన్నిచ్చేది. పగటిపూట మనస్సులో ఏది చూస్తాడో అదంతా తప్పక లభిస్తుంది. (7) చిత్త, వ్యాధి, వీనితో కూడిన నరుడు ఒకవేళ కలగంటే అదంతా నిష్పలము, ఓ తండ్రి! పోతుంది, అనుమానం లేదు (8) జడుడు, మూత్రపురీషములతో పీడింపబడేవాడు, భయాకులుడు, దిగంబరుడు, వెంట్రుకలు విరియబోసుకొన్నవాడు వీరు స్వప్నం వల్ల కలిగే ఫలితాన్ని పొందరు. (9) నిద్రమత్తుడు, స్వప్నముచూచి తిరిగి నిద్రపోతే, విమూఢుడు, రాత్రి ఆకలగూర్చి చెబితే స్వప్నం వల్ల కలిగే ఫలితాన్ని పొందడు. (10) కాశ్యప గోత్రాన్ని చెప్పితే ఆపదను పొందుతాడు, నిశ్చయము. కలలో దుర్గతుడైతే దుర్గతిని, నీచుడైతే వ్యాధిని పొందుతాడు (11) శత్రువుకన్పిస్తే భయాన్ని, మూర్ఖుడు కన్పిస్తే కలహాన్ని పొందుతాడు, కామిని కన్పి స్తే ధనహానిఔతుంది. రాత్రిఐతే దొంగల భయమౌతుంది. (12) నిద్రలో దుఃఖాన్ని పొందితే పండితుడు కోరిన ఫలాన్ని పొందుతాడు. పండితుడు ఆస్వప్నాన్ని కాశ్యపగోత్రునకు చెప్పరాదు. ఓప్రజ! (13) ఓప్రజేశ్వర! ఆవులు, ఏనుగులు, గుఱ్ఱములు, మేడలు, పర్వతముల, వృక్షములు, (14) వీనిని (కలలో) ఎక్కినట్లైతే, ధనములభిస్తుంది. భుజించిన కలవస్తే రోదనములభిస్తుంది. వీణను గ్రహించినకలైతే పంటగలభూమిని పొందుతాడు. (15) శస్త్రాస్త్రములతో కొట్టబడినట్టు వ్రణంతో, పురుగుతో, మలముతో, రక్తంతో కూడినట్టు కన్పిస్తే అర్ధవంతుడౌతాడు. (16) కలలో పొందరానిది లభిస్తే భార్యాలాభమౌతుంది. మూత్రంతో తడిసి, శుక్రాన్ని తాగి, నరక ప్రవేశంచేసి (17) నగర ప్రవేశంచేసి, రక్తము, సముద్రము, అమృతము తాగినట్టు ఇట్లా కలలు వస్తే శుభవార్తను వింటాడు. విపులముగా అర్ధలాభమౌతుంది. (18) గజము, రాజు, బంగారము, వృషభము, ధేనువు, దీపము, అన్నము, ఫలము, పుష్పము, కన్య, ఛత్రము, రథము, ధ్వజము (19) వీటిని చూస్తే కలలో, కుటుంబాన్ని పొందుతాడు విపులమైన కీర్తిని, శ్రీని, పొందుతాడు. పూర్ణకుంభము, ద్విజుడు, అగ్ని, పుష్పములు, తాంబూలము, మందిరము వీనిని 

తెలుపు లేదా నలుపో నటుని వేశ్యను చూచిన (కలలో), శ్రీనిపొందుతాడు. ఆవుపాలు, నేయి వీటిని చూచి అర్దమును పుణ్యమైన ధనమును పొందుతాడు.(21) పాయసము, పద్మపాత్రలో, దధి, దుగ్ధము, నేయి, తేనె, మథురమైన అన్నము, మంగళమైన వస్తువు వీటిని తిన్నచో తప్పక రాజు ఔతాడు. (22) పక్షుల, మనుష్యుల మాంసమును నరుడు తింటే బాగా డబ్బును శుభవార్తను, వాంఛిత ఫలమును పొందుతాడు. (23) ఛత్రి, పాదుకలు పొందిన (కలలో) ధాన్యము పోవును. నిర్మలము తీక్షముఐన కత్తిని పొందితే (కలలో) అది అట్లాగే ఔతుంది. (24) విలాసంగా చేసినది ప్రధానమౌతుంది. పండిన వృక్షాన్ని చూస్తే, ధనాన్ని పొందుతాడు నిశ్చయము. (25) కలలో పామువల్ల తినబడితే అది అర్థలాభాన్ని కల్గిస్తుంది. కలలో సూర్యచంద్రులను చూస్తే వ్యాధి బంధనముల నుండి ముక్తుడౌతాడు. (26) ఆడగుఱ్ఱమును, కోడి పెట్టను, క్రౌంచి (పక్షి)ని చూసిన భార్యను పొందుతాడు నిశ్చయము. కలలో బేడెముతో బంధిపబడ్డవాడు, ప్రతిష్ఠను, పుత్రుని పొందుతాడు. (27) పెరుగన్నము, పాయసము పద్మపత్రమందునదీ తటమందు, చినిగిన పద్మపాత్రయందు భుజిస్తే (కలలో) వాడుకూడా రాజౌతాడు. (28) నీటిలో ఉండేదానిని తేలును, పామును, కలలో చూస్తే ధనమును, పుత్రుని, విజయమును, ప్రతిష్టను కాని పొందుతాడు, అని (29) కోరలు గలది, కొమ్ములది, పంది, కోతి వీనితో కలలో పీడింపబడితే తప్పకుండా రాజౌతాడు, చాలా ధనములభిస్తుంది. (30) చేప, మాంసము, ముత్యము, శంఖము, చందనము, వజ్రము కలలో చివరగా వీనిని చూస్తే చాలా ధనాన్ని పొందుతాడు. (31) కొడుకును, రక్తాన్ని, బంగారాన్ని, మలమును తిన్నట్టు కలగంటే ధనాన్ని పొందుతాడు. ప్రతిమను శివలింగాన్ని చూస్తే జయమును, ధనమును పొందుతాడు. (32) పండిన, పుష్పించిన మారేడు, మామిడి వృక్షాలను చూస్తే (కలలో) ధనమును పొందుతాడు. మాడుతున్న అగ్నిని చూస్తే ధనమును, బుద్దిని, శ్రీని పొందుతాడు. (33) ఉసిరికాయ, పండు, కలువ వీనిని చూస్తే ధనం వస్తుంది. దేవతలు, ద్విజులు, గోవులు, పితరులు, లింగధారిని చూస్తే వారు (34) కలలో ఏది ఇస్తే, అది అట్లాగే ఔతుంది. తెల్లచీర ధరించిన స్త్రీలు, తెల్లని మాలలు, సుగంధపు పూతగల వారు(35) కలలో కౌగిలించుకుంటే వానికి శ్రీలభిస్తుంది. అన్ని దిక్కుల నుండి సుఖం కల్గుతుంది. పీతాంబరము ధరించిన స్త్రీని, పచ్చని మాలలు అనులేపనము గల స్త్రీని కలలో కౌగిలించుకుంటే వానికి కళ్యాణం కల్గుతుంది. (36) శుక్లమైన వన్ని ప్రశంసించ తగినవే, భస్మము, అస్థికలు, దూది ఇవి తప్ప. నల్లవైనవన్ని మిక్కిలి నిందించతగినవే, గోవులు, ఏనుగులు, గుఱ్ఱములు, బ్రాహ్మణులు, దేవుళ్ళు తప్ప (37) దేవతాస్త్రీ, నవ్వుతూ రత్నభూషణములతో అలంకరింపబడ్డ బ్రాహ్మణస్త్రీ ఎవని ఇంటికి వస్తే వాడు మంచిని పొందుతాడు, నిశ్చయము. (38) కలయందు, బ్రాహ్మణుడు దేవుడు, బ్రాహ్మణ స్త్రీ, దేవకన్యక, బ్రాహ్మణుడు లేదా బ్రాహ్మణ స్త్రీ కాని ఆనందంతో నవ్వుతూ (కన్పిస్తే), ఫలాన్ని ఇస్తే వానికి పుత్రుడు కలుతాడు. (39) ఓ నంద! బ్రాహ్మణుడు కలలో శుభాశీస్సులనిస్తే, ఏది మాట్లాడితే, అది వాని కౌతుంది, వానికైశ్వర్యం కల్గుతుంది. నిశ్చయము.

పరితుష్టుడై బ్రాహ్మణు శ్రేష్ఠుడు ఇంటికి వస్తే, వాని ఇంటికి నారాయణుడు, శివుడు, బ్రహ్మ వస్తారు. (41) వానికి సంపత్తి కల్గుతుంది. శుభమైన, విశాలమైన కీర్తి లభిస్తుంది. అడుగడుగునా సుఖము, మానము, గౌరవము. వానికి లభిస్తాయి. (42) అకస్మాత్తుగా కలలో సురభిని పొందితే, వానికి భూమి లాభమౌతుంది, వాని భార్య పతివ్రత ఔతుంది. (43) ఏనుగు తొండముతో పట్టుకొని, తనతల పై ఉంచుకుంటే, వానికి రాజ్యలాభమౌంతుంది, నిశ్చయము, ఇది శ్రుతి సమ్మతము (44) ఆనందంతో బ్రాహ్మణుడు కలలో కౌగిలించుకుంటే, ఓ ప్రజ! వాడు తీర్థస్థానం చేసిన (సే) వాడౌతాడు. సంపదకల వాడౌతాడు. (45) ద్విజుడు కలలో కన్పించి పూవును ఇచ్చిన యెడల, ఆ పుణ్యాత్మునకు జయం లభిస్తుంది (తీసుకొన్నవానికి). కీర్తి మంతుడు, ధనవంతుడు, సౌఖ్యవంతుడౌతాడు (46) కలలో తీర్థాలను చూచిన సౌధములు, రత్నగృహములు చూచిన, జయం కలవాడు, ధనవంతుడు, తీర్థములలో స్నానంచేసేవాడు ఔతాడు. (47) కలలో ఒకడు మరొకనికి పూర్ణకలశమును ఇస్తున్నట్టుచూస్తే వానికి పుత్ర లాభమౌతుంది. సంపత్తిని పొందుతాడు. (48) మానిక, తూము (కొలమానములు) చేత ధరించి వారసీ ఇంటికి వస్తే, వానికి లక్ష్మి కల్గుతుంది, నిశ్చయము (49) ఓద్విజ! దేవతస్తీ ఇంటికి వచ్చి పురీషం వదిలితే, దానికి అర్థలాభమౌతుంది, దారిద్ర్యము పోతుంది. (50) బ్రాహ్మణుడు భార్యతో కూడి, (కలలో) ఇంటికివస్తే, పార్వతితో శివుడు, లక్ష్మితో నారాయణుడు (51) బ్రాహ్మణుడు, బ్రాహ్మణి కాని కలలో కన్పించి, ధాన్యము పుష్పాంజలికాని ఇచ్చినట్లైతే, వానికి సర్వతోముఖమైన శ్రీ కల్గుతుంది. (52) ముత్యాలహారము, పుష్పమాల, చందనము కలలో లభిస్తే ఓ ప్రజ! లేదా విప్రుడెవడైనా ఇస్తే కలలో, వాని శ్రీ సర్వతోముఖంగా వర్ధిల్లుతుంది. గోరోచనము, పతాకము, పసుపు, చెరుకుగడ సిద్దాన్నము (తయారైనది) కలలో కన్పిస్తే, వాని శ్రీసర్వతోముఖాభివృద్ధి కలదౌతుంది. (54) బ్రాహ్మణుడు లేదా బ్రాహ్మణి, తల పై గొడుగును లేదా తెల్ల ధాన్యాన్ని, తల పై ఉంచినట్లైతే వాడు రాజౌతాడు. (55) కలలో రథం పై పురుషుడు కన్పించి తెల్లని మాలలు సుగంథములు ధరించి ఉంటే, అక్కడే ఉండి పెరుగు లేదా పాయసం తిన్నట్టుగా కన్పిస్తే వాడు రాజౌతాడు.

అను ॥ బ్రాహ్మణుడు, బ్రాహ్మణి, కలలో కన్పించి, అమృతమును, దధిని ఇచ్చినట్టుగా కన్పిస్తే లేదా ప్రశస్తమైన పాత్రను ఇస్తే, పొందినవాడు రాజౌతాడు, నిశ్చయము. (57) ఎనిమిది సంవత్సరాల కుమారి, రత్న అలంకారము గలది, ఆనందించినట్టుగా కలలో కన్పిస్తే, వాడు కవి, పండితుడు ఔతాడు (58) స్త్రీ కలలో కన్పించి పుస్తకం. ఇచ్చినట్లైతే ఆ (పొందిన) పుణ్యాత్ముడు విశ్వ విఖ్యాతుడౌతాడు, కవీంద్రుడు, పండిత (శ్రేష్టు)డౌతాడు. (59) తల్లి కొడుకును చదివించినట్లుగా, కలలో ఆమె చదివిస్తే, వాడు సరస్వతీ సుతుడౌతాడు. వానిని మించిన పండితుడుండడు. (60) తండ్రిలా ప్రయత్నపూర్వకముగా బ్రాహ్మణుడు కలలో చదివిస్తే, ప్రేమతో పుస్తకమిస్తే, వాడు వాడితో సమానమౌతాడు. (61) పుస్తకాన్ని కలలో, ఎక్కడో ఒకచోటకాని దారిలో కాని పొందితే వాడు పండితుడు, కీర్తిమంతుడు, విఖ్యాతుడు ఔతాడు, ఈ భూమి పైన (62) కలలో బ్రాహ్మణుడు, బ్రాహ్మణునకు మంత్రాన్ని బోధిస్తే, ఆతడు ప్రాజ్ఞుడౌతాడు, ధనవంతుడు, గుణవంతుడు, బుద్ధిమంతుడౌతాడు (63) కలలో బ్రాహ్మణునకు రాతి ప్రతిమనుకొని, ఇచ్చినట్లైతే, పొందిన వానికి మంత్రిసిద్ది ఔతుంది. (64) ఇద్దరిని, లేదా అనేక మంది బ్రాహ్మణులను (కలలో) చూచి నమస్కరించి ఆశీస్సులను పొందితే వాడు రాజుకాని, కవి, పండితుడుకాని ఔతాడు (65) బ్రాహ్మణుడు, తెల్లని ధాన్యము గల భూమిని ఎవనికిస్తాడో, సంతుష్టినందుతాడో కలలో, వాడు రాజౌతాడు. (66) విప్రుడు కలలో రథమందుండి రకరకాల స్వర్గములను చూపిస్తాడు. చూచిన వానికి ఆయుస్సు, ధనము, వృద్ధినందుతాయి. వాడు చిరంజీవిఔ తాడు, నిశ్చయము. (67) బ్రాహ్మణుడు, మరో బ్రాహ్మణునకు ఆనందంతో కన్యనిస్తే కలలో, వాడు (పొందిన) ఎల్లప్పుడు ధనాఢ్యుడు, భూపతి(స్వయంగా) ఔతాడు. (68) కలలో సరోవరాన్ని, సముద్రాన్ని, నదిని, నదమును (పడమర వైపున ప్రవహించేది ) చూచిన, తెల్లసర్పాన్ని, తెల్ల పర్వతాన్ని చూచిన శ్రీని పొందుతాడు. (69) కలలో ఎవనినైనా చనిపోయినట్టుగా చూస్తే వాడు చిరంజీవిఔతాడు. రోగినిచూస్తే రోగంలేని వాడౌతాడు, సుఖవంతుని చూస్తూ దుఃఖవంతుడౌతాడు నిశ్చయము. (70) దివ్యస్తీ కలలో కన్పించి నా స్వామివి నీవు అని అంటే, వెంటనే మెలకువవస్తే, వాడు రాజౌతాడు, నిశ్చయము. (71) కలలో కాళికను చూచిన, స్పటికమాలను పొందిన, ఇంద్రచాపమును, ఇంద్రుని వజ్రాయుధమును చూచిన వాడు కీర్తిని పొందుతాడు, నిశ్చయము. (72) కలలో బ్రాహ్మణుడు కన్పించిన నీవు నా దాసుడవుకా అని అంటే, వాడు హరిదాస్యమును విష్ణుభక్తిని పొంది వైష్ణవుడౌతాడు. (73) కలలో బ్రాహ్మణుడు, విష్ణువు, శివుడు, బ్రాహ్మణి, లక్ష్మి, పార్వతి, తెల్లని స్త్రీ, దేవమాతకాని గంగ, సరస్వతి (74) గోపాలిక వేషం ధరించిన బాలిక, నా రాధిక, బాలుడు, బాలగోపాలుడు, కన్పిస్తే మంచి ఫలితాలు లభిస్తాయని స్వప్నఫలమెరిగినవారు చెప్తారు. (75) ఓ నంద! దీన్ని నీకు చెప్పాను మంచి కల పుణ్యమునకు కారణము. ఇంకేం వినదలిచావు. నీకింకేం చెప్పాలి (76) అని బ్రహ్మవైవర్త మహాపురాణ మందు శ్రీకృష్ణ జన్మఖండ ఉత్తరార్ధమందు నారాయణ నారద సంవాదమందు సుస్వప్న దర్శనమనునది డెబ్బది ఏడవ అధ్యాయము.