71 - అధ్యాయము

మూII శ్రీనారాయణ ఉవాచ:

అను !! శ్రీనారాయణుడిట్లన్నాడు:

భకు ఎన్ని రకాల భావన. రాధిక నిద్రించాక, గోపికలు కూడా నిద్రించాక, గాలితో వాసనగలధిగా చేయబడ్డ పుష్పచందన తల్పమందు (1) రాత్రియందు తృతీయ ప్రహరగడిచాక, శుభ గ్రహముల) ఈక్షణమందు (చూపులు) చంద్ర, నక్షత్రముల శుభయోగమందు, అమృతయోగంతో కూడినవేళ (2) సౌమ్య స్వామికూడిన (బుధుడు కూడిన) లగ్నమందు, సౌమ్యగ్రహముల వీక్షణముండగా, పాపగ్రహములతో కూడిన దుష్టదోషాదులు లేకుండ ఉండగా (3) యశోదను మేల్కొలిపాడు. మంగళమును చేయించాడు. హరి స్వయంగా లేచి బంధువులను ఓదార్చాడు. (4) రాధికా భయంతో భయపడుతున్నట్టుగా వాద్యములను ఆపివేయించాడు. స్వతంత్రుడు, విశ్వమునకు కర్త, భర్త, స్వతంత్రునివలె విశ్వమును పొందేవాడు. (5) పాదములను కడుగుకొని, ఉతికిన బట్టలను ధరించి శుభ్రము చేయబడి చందనాదులు పూయబడిన చోట కూర్చున్నాడు. (6) ఫలములు చిగురాకులతో కూడిన చందనాదులతో అలంకరింపబడిన, పూర్ణ కుంభమును ఎడమభాగమందుంచుకొని, అగ్నిని బ్రాహ్మణుని తనకుడిభాగమందుంచుకొని (7) పతిపుత్రులుగల స్త్రీని, దీపమును, అద్దమును ఎదురుగా ఉంచుకొని, నిగనిగలాడే దూర్వాకాండమును, తెల్లని పుష్పమును, శుభకరమైన ధాన్యమును ఉంచుకొని (8) గురువు ఇచ్చిన దానిని తీసుకొని తల పై ధరించాడు. ఇప్పసారాయి, వెండి, బంగారము, పెరుగు ధరించి కనబడ్డాడు. (9) చందనమును పూసుకొని, పుస్పమాలను మెడలో ధరించాడు. భక్తితో గురువర్గమును బ్రాహ్మణుని నమస్కరించాడు. (10) శంఖధ్వనిని, వేదపాదమును, సంగీతమును, మంగళాష్టకమును, రమ్యమైనవిపుల ఆశీర్వచనమును పరమాదరంతో విన్నాడు. (11) అంతట మంగళాన్నిచ్చే, మంగలస్వరూపుని ధ్యానించి, సుందరమైన తన విగ్రహమును, కుడిపాదమును ఉంచాడు. (12) నాసికను విదలించి, విభువు మధ్యమస్థాయిలో వామభాగమును, గాలితో నింపి ముక్కు యొక్క కుడిరంధ్రంనుంచి వాయువును వదిలాడు. (13) ఆపై నందనందనుడు శ్రేష్ఠమైన నందుని ప్రాంగణమునకు వెళ్ళాడు. ఆనందం కలవాడు, పరమానందుడు, నిత్యానందుడు, సనాతనుడు, ఆతడు. (14) నిత్యుడు, అనిత్యుడు, నిత్యబీజ స్వరూపుడు, నిత్య విగ్రహుడు, నిత్య అంగభూతుడు, నిత్యేశుడు, నిత్యకృత్యములందు విశారదుడు (15) నిత్యము నూతనరూపం కలవాడు నిత్యము నూతన యౌవనుడు, నిత్యుడు, నూతన వేషం కలవాడు వయస్సుతో నిత్యనూతనుడు. (16) నిత్యము నూతనంగా సంభాషించేవాడు, ఆతని ప్రేమ నిత్యనూతనము. ఆతని సంప్రాప్తి నిత్యనూతనము.

ఆతని సౌభాగ్యము నిత్యనూతనము. (17) ఆతని వాక్కు సుధారసంవలె పరమైనది. తీయనిది, నిత్యనూతనము. ఆతని భోజనము నిత్యనూతనము, ఆతని చోటు నిత్యనూతనము. (18) ఆప్రాంగణమందు ఉంటూ, వుంటూ మాయుక 'ఈశుడైనవాడు, మాయతోకూడినవాడై, మిక్కిలి అందంగా, మంచి స్నిగ్ధరూపముకలవాడైనాడు, పోవటానికి ఉన్ముఖుడైనాడు. (19) అరటి స్తంభముల సమూహములతో, మామిడి చిగుళ్ళతో కూడిన, పటసూత్రములతో కట్టబడిన, సుందరమైన, చక్కగా సంస్కరింపబడిన, (20) పద్మరాగమణులు పొదగబడిన, విశ్వకర్మ రచించిన, కస్తురి కుంకుమలతో పూయబడిన, చందనములతో బాగా సంస్కరింపబడిన (21) ఆ చోట కృష్ణుడు అక్రూరుడు, బాంధవులు వారితో కూడి స్వయంగా ఉన్నాడు. మాయ ఐన యశోద ఎడమభాగంలో ఉంది (22) ఆనందముతో నిండిన నందుడు కుడి భాగంలో ఉన్నాడు, బాంధవులతో మాట్లాడాడు. తలిదండ్రులు ఆతనిని ముద్దాడారు. (23) అని బ్రహ్మ వైవర్త మహాపురాణమందు శ్రీకృష్ణ జన్మ ఖండ ఉత్తరార్ధ మందు నారాయణ నారద సంవాదమందు యాత్రామంగళమనునది డెబ్బది ఒకటవ అధ్యాయము సమాప్తము.