4 - కంస దురాలోచానము

కంసు డవ్వల మనముద్వేగ మందగా ప్రలంబకేశి ప్రముఖులగు నెల్ల మహాసుర వరులం బిలిచి యిట్లనియె

ఓ ప్రలంబా! వీరాగ్రేసర! ఓ కేశి! ధేనుకా! పుతనా! అరిష్టాదులారా! మఱియుం గల మీరందఱు నా మాట నాలింపుడు. దురాత్ములగు దేవతలు నన్ను జంపు యత్నములో నున్నారు గదా! నేను వీరుడను. నా వీర్యముచే నట్టుడికి నట్లుడికిన వీరులను నేను లెక్క సేయను. అల్పబలుడగు నింద్రునిచే నొంటరిగ దిరుగు హరునిచే దొంగదారుల నసురులకు ఘాతసేయు హరిచే నేమగును? దేవతల లెక్కేమి? వసువులు నల్పవీర్యు లగ్నులు మఱియుం గల యెల్ల యమరులు నా బాహు బలమున డీలు వడిన వారి లెక్కేమి? అమరరాజు నాతో యుద్దమునకు నేను విసరిన యమ్ముల నెల్ల ఱొమ్మునంగాక పిఱదం తలగి పారిపోయినాడు మీరు చూడలేదా? నారాష్ట్రమున జినుకు వడకుండ నయ్యింద్రు డాపిన తఱి నా బాణములచే విడివిడి మేఘములు కుంభవృష్టి గురియ లేదా? ఈ యుర్వింగల యుర్వీశ్వరు లందఱు నా బాహు బలమునకు పిరికి పందలై నా గురువు (శ్వశురుడు) ఒక జరాసంధుడు తప్ప అందరు నాయడుగులం దలలు వంచినారు. దేవతలందు నాకు తిరస్కార భావమగు చున్నది. వారందులకు బూనుకోనుట యన్న నాకు నవ్వు వచ్చుచున్నది. అయినను నా దుష్టులు దురాత్ములు కపకారము సేసితీర వలసిందే. అవశ్యము పూనుకొన వలసినదే.

అందువలన నెవ్వరు పుడమిపై పేరు మోసిన వారు యజ్ఞములు సేసిన వారుం గలరో వారివారిని దేవతల కపకారము చేయుటకై వెదకి వెదకి సర్వ విధముల వధింప వలసినదే. లోగడ నా పాలిట మృత్యువైన వాడు ఇపుడు మరల పుట్టినాడని దేవకి గర్భమందు పుట్టిన పసిపిల్ల చెప్పినది. కావున ఎక్కడ బాలులందు బలోద్రేకము గానబడు వానింబట్టి యీ పుడమిపై మట్టు బెట్టుటకు గట్టి యత్నము సేయ వలసినదే వానిం గడతేర్ప వలసినదే. అని యిట్లు కంసుండసుర కానయిచ్చి గృహమ్ము సొచ్చి దేవకీ వసుదేవులం కారాగారము నుండి విడిపించెను.

అపుడు కంసుడు నేను మీ శిశువుల నకారనముగ జంపితిని. ఇపుడెవ్వడో యొక్కడు నా కొఱకొక్కిడ పుట్టి యున్నాడు. పరితాప పడకుడు! మీకు ముందేరుగడి కావలసిన పిల్లలు నిజముగా మీ దోషము (పాపము) చేత నాయువు గోల్పోజేయ బడినారు. ఇందు నా దోషమేమియు లేదని కంసుని భావము.

అని యిట్లాశ్వాసించి యప్పటికిని మదిలో శంకవాయకయ యా దంపతులం విడిచి పుచ్చి యాపై కంసుడు తన యంతర్గృహము లోనికి జొచ్చెను.