అధ్యాయము - 132

శ్రీవరాహ దేవుడు:

శ్రీవరాహ దేవుడు:

భూదేవీ! నన్ను తాకుచు మలము వంటి అపాన వాయువును వదులు వాడు, వాయువుచే పీడింప బడిన మనస్సు కవలవాడై అయిదేండ్లు ఈగయై, మూడేండ్లు ఎలుకయై, మూడేండ్లు కుక్కయై, తొమ్మిదేండ్లు తాబేలై పుట్టును.

ఈ పాపమునకు ఇది నేను విధించెడు శిక్ష. ఈ తప్పు చేసిన వాడు శాస్త్ర మెరిగిన వాడు, నా భక్తు డైనను ఇదియే అతనికి శిక్ష.

ధరణి:

ధరణి:

నీ భక్తులు సరికాని పనిచేసి పరిశుద్ధి నెట్లు పొందుదురు? అట్టి వారి సుఖము కొఱకు దీనిని నిన్నడుగు చున్నాను.

శ్రీవరాహ దేవుడు:

శ్రీవరాహ దేవుడు:

దేవీ! పుణ్యురాలా! ఏ పని చేసి ఈ దోషము నుండి దాటుదురో దానిని మొత్తముగా చెప్పు చున్నాను. వినుము.

అలసందల పిండితో మూడు దినములు, రాత్రి భోజనముతో మూడు దినములు కడపి ప్రాయశ్చిత్తము చేసికొను వాడు నాకు దోషము చేయని వాడు అగును. అన్ని అంటులను వదలివైచి నా లోకమున కరుగును.

మంచిదానా! మల వాయువునకు సంబంధించి అపరాధము చేసిన వాని దోషమును, ప్రాయశ్చిత్తము వలన కలుగు గుణమును నీకు చెప్పితిని.